أنا دنيتي صغيرة و مفيهاش كتير
نفس أحلامي اللي بأصحى بيها بارجع أدفنها في السرير
و كله بسبب الراجل الكبير
أنا نفسي ضيق بس على نفسي و على الحمير
بس حتى نفسي ماجتش حاجة جنب صبر الحمير
و كله بسبب الراجل الكبير
أنا كل جزمي مخرومة و كل هضومي مرقعة ترقيع
كل أكلي بأكله بالرغيف البلدي و ألا الأكل ملاقيش
كل جراني جعانة و مرقعة زيي و كله لازم يعيش
لو حد يطول يقطع إلي جنبه ده كان يغمسه تغميس
أنا لا متجوز و لا أتجوزت و لا في أمل أتجوز في حظي المطين بطين
أنا لا أعرف انجليزي و لا كومبيوتر ..زيي زي ثور الطحين
اديني قفة ... اديني شلوط .. اديني أي حاجة تزقني بعيد
دي أجرة الأتوبيس زادت و الرز زاد و الزيت زاد و حتى الرغيف
اطحنني يا معلم أكتر و أكتر ...بس أضمنلك مش حانزل دقيق
عشمني يا باشا أكتر و أكتر ..و أنا أغمس كوستك و أعيش
أه يا راجل يا كبير
0 comments:
Post a Comment