أنا قاعد اتفرج على فلم في روتانا اسمه أولى حب باين أو حاجة كدة و بعد ربع ساعة ماقدرتش امسك نفسي بصراحة كان لازم أقول حاجة لأي حد ، مش مصدق التهييس الغير طبيعي ده، يعني الظواهر الغريبة اللي في الفيلم ده يمكن تفسيرها عن طريق كذا تفسير: أولهم غنهم اخترعوا اخيرا ممثلين بيشتغلو بالزمبلك و مخترمين أوي بحيث محدش بيقاطع حد كل واحد بيتكلم في دوره و غير كدة في اختراع مدهش تاني و هو الحبوب المعجزة اللي خلت الطفل الرضيع يقدر يمسك القلم و يكتب سيناريو بالشكل ده ، حاجة خرافية والله بس هو طبعا الطفل كتب الحوارات ما بين الناس بشكل غير طبيعي و متفبرك إلى أقصى درجة يعني بيتهايئلي لو في ناس بيتكلمو زي الفيلم كدة كانوا بقو مكسرين من كتر الضرب أو في مستشفى المجانين، وطبعا لازم ما بين أجزاء الفيلم الإعلانات الجامدة قوي زي سو ماتش ده اللي يجيب النقطة ..... و بالتأكيد إختيار ممثل نابغ و مشعر و صوته مقرف إلى أقصى الدرجات كان إختيار بيندمج مع جو الفيلم المعفن اللي يحرق الدم ، خسارة القصة كان ممكن تبقى كويسة بس تقول ايه بقة
0 comments:
Post a Comment